唔爱淘客马体味客 拉唔住

阿King今日搵到场好嘢畀大家做过关胆,就係西甲马拉加主场对马德里体育会。马体会近期豪取9连胜追到同巴塞同分,今场可望趁住巴塞踢世冠盃,全取3分独霸榜首,马拉加上场喺西班牙盃对乙组仔都输波,1.57倍嘅客胜绝对係今日过关变倍器!

巴塞同马体会同得35分,前者以较佳得失球排第一,不过「地上最强」今轮西甲轮空,马体会唔乘机升上榜首等几时呀?虽然有传马体会教头施蒙尼下季过档车路士,但球队依家枪口一致向外,士气咁好,又点会受到呢啲未有真实证据支持嘅传闻影响吖!马体会近9场全胜,当中6场能够保持不失,防守够晒硬淨,马拉加主场出击都冇乜优势囉,简单要个客胜!

阿King讲多两场西甲,首先係毕尔包主场对包尾大幡利云特,毕尔包上周中喺西班牙盃大胜拉连斯6比0,虽然主因係对手太弱,不过大胜一仗点都可以振奋士气,今场对住作客例牌脚软嘅利云特,捧让球主胜!

最后係皇家苏斯达主场迎战维拉利尔,皇苏有中场迪拉比拿停赛,加上阵中伤兵不少,包括中场苏鲁图沙、后衞米基干沙利斯等,今场抢分难度高,维拉利尔近5次作客皇苏均不败,今场受让值捧。